唱歌老师兼音乐学校创办人韩照昌Anson Hon首支派台作品《歌地亚》日前正式上架。歌曲由Anson操刀作曲及监製，以唱作歌手身份出道。

Anson表示《歌地亚》在编曲上加入轻R&B元素，副歌旋律和节奏带出使人沉溺、不能自拔的感觉。正歌低声的吟唱，就像在安慰歌地亚，也是在安慰自己。间奏大胆地使用了偏复古的钢琴独奏，而在演唱上亦转用比前段更有力的声线，表达浓烈的情感，欲言又止的挣扎。

曾任职sales engineer、电机冷气行业的Anson，自小对音乐有浓厚兴趣，但因为父亲反对只好放弃。长大后的他最后亦因为父亲而「重投」音乐怀抱，由工程业转型当唱歌老师，「因为爸爸嘅过身，佢成日提我做边行都好，要令自己开心同埋喺工作上有使命感。细个时佢对我锺意玩音乐呢件事好反感，加上佢觉得我係一个三分钟热度嘅人，但到最尾同佢倾偈嘅一次，佢知道我对音乐係执着同认真。然后问我几时会有自己嘅歌，佢话好想听到。所以我就拣咗歌唱老师呢一个行业做我嘅踏脚石。因为我知道做音乐基本上唔会有钱赚，甚至连生活都困难。所以我选择音乐裏面最保障嘅工作就係教学。嗰刻我会深信我係可以慢慢从歌唱老师行到幕前。」

一直以来只想做好教唱歌工作的Anson闲时会唱cover歌，直到一次他将他唱的《圣斗士星矢》放上IG，竟引来七十万点击率，亦引来不少人跟他学唱歌，女团EOS的Hazelle、乙女新梦的AI Candy都是她的学生，他才意识到要当一个好的唱歌老师，最直接的方法是展示自己的演唱能力。愈唱愈多cover歌，其中《千与千寻》主题曲粤语版 及《搁浅》粤语版的观看次数均过百万，热爆网络。除此之外，他又曾跟保锜@ERROR合唱两首cover歌，愈来愈多人认识，「佢哋成日同我讲，不如出一首自己嘅歌，所以我就写咗呢首《歌地亚》。」

拍摄《歌地亚》MV前二十日，MV导演要求他地狱式减肥，「我戒晒所有澱粉质同埋糖，每日食鸡胸、三文鱼、烚菜、鸡蛋，每日四点打后唔食嘢。」每日进食地狱餐单的他更试过差点晕倒，「其实初头每日都係一个唔清醒嘅状态，血糖又低。有一次教学生唱歌嘅时候真係差啲晕喺个钢琴隔篱。」最后成功搣甩十七磅。

年尾派歌，对新人来说始终「唔着数」，对于奖项Anson坦言志不在此，「我锺意音乐，我係想做一啲好嘅作品出嚟同大家分享，奖项其实好随缘。而且选择出个人单曲呢件事我真係思考咗好耐，毕竟自己唔后生。同埋好多锺意听我唱歌嘅人都喺呢大半年不停鼓励我出自己嘅歌，所以八月我先开始决定真係做呢首歌，从音乐录製到拍MV用咗两个月嘅时间，原来就已经到咗年尾。」